23 – 26 maj 2023
Grupi për Ballkan organizoi trajnimin e dytë të këtij viti të Programit Ekzekutiv “Të rinjtë në Politikë: Qeverisja dhe Sistemet Politike”. Tridhjetë e pesë pjesëmarrës të rinj nga sfera dhe parti politike të ndryshme morrën pjesë në ligjërata dhe diskutime frymëzuese mbi tema të rëndësishme si Sundimi i Ligjit, Qeverisja e Mirë, Zhvillimi Ekonomik dhe Politikat Sociale, Politikat Arsimore dhe Bashkëpunimi Rajonal.
Gjatë këtij trajnimi patëm nderin e veçantë të kemi të pranishëm si folës kryesor SHT Jens Erik Grøndahl, Ambasador i Ambasadës së Mbretërisë së Norvegjisë në Prishtinë. Ambasadori Grøndahl theksoi përfitimet e këtij programi, duke vënë në dukje rëndësinë e kultivimit të komunikimit ndërpartiak, mbështetjes së bashkëpunimit rajonal dhe integrimin në BE.
![](https://balkansgroup.org/wp-content/uploads/2023/05/IMG_1721-1024x683.jpg)
![](https://balkansgroup.org/wp-content/uploads/2023/05/IMG_1729-1024x683.jpg)
![](https://balkansgroup.org/wp-content/uploads/2023/05/IMG_1711-1024x683.jpg)
Në kuadër të këtij programi, Grupi për Ballkan organizoi vizita studimore në dy institucione të Republikës së Kosovës.
Pjesëmarrësit vizituan Agjencinë për Parandalimin e Korrupsionit, ku zhvilluan një takim me Drejtorin Yll Buleshkaj. Diskutimi u përqëndrua në rëndësinë e agjencisë në parandalimin dhe luftimin e korrupsionit. Drejtori gjithashtu foli me të rinjtë mbi zhvillimet e fundit në lidhje me sinjalizuesit dhe rolin e tyre në institucione. Ky takim ofroi perspektiva të çmuara në përpjekjet aktuale për promovimin e transparencës dhe integritetit në Kosovë.
![](https://balkansgroup.org/wp-content/uploads/2023/05/IMG_2903-1024x683.jpg)
![](https://balkansgroup.org/wp-content/uploads/2023/05/IMG_2908-1024x683.jpg)
Në vizitën e dytë në Komunën e Prishtinës, pjesëmarrësit u pritën nga zëvendëskryetarja Donjeta Sahatçiu. Gjatë diskutimeve, ajo theksoi rëndësinë e përfshirjes aktive të të rinjve në struktura politike. Znj. Sahatçiu, si gruaja e parë në pozitën e saj, ndau përvojën personale dhe sfidat me të cilat u përball. Prania e saj shërbeu si frymëzim për pjesëmarrësit, duke i inkurajuar të angazhohen aktivisht në politikë dhe të bëhen qytetarë proaktivë në komunitetet e tyre.
![](https://balkansgroup.org/wp-content/uploads/2023/05/IMG_2923-1024x683.jpg)
![](https://balkansgroup.org/wp-content/uploads/2023/05/IMG_3007-1024x683.jpg)
Në përgjithësi, këto vizita ofruan një platformë të vlefshme për pjesëmarrësit për të fituar njohuri direkte mbi punën jetike që bëhet në institucionet e Kosovës.
Ky aktivitetet mbështetet nga Ambasada e Mbretërisë së Norvegjisë në Kosovë.